Um okkur

Teymi með tækni á heilanum

  • Ragnheiður H. Magnúsdóttir

    Ragnheiður H. Magnúsdóttir

    STOFNANDI / CHIEF DISRUPTION OFFICER

    Ragnheiður er vélaverkfræðingur með endalausan áhuga á nýsköpun og tækni. Hefur unnið að fjölmörgum umbreytandi verkefnum síðan árið 2000 sem flest innifala nýtingu upplýsingatækninnar til að minnka sóun og bæta þjónustu fyrirtækja og stofnanna.

    LinkedIn

  • Magnús Logi Magnússon

    STOFNANDI / STJÓRNARFORMAÐUR

    Magnús Logi er tækninörd með sérsvið í uppbyggingu neta og ýmissa tölvukerfa. Hann hefur farið á dýptina í tæknimálum í fjölmörg ár og var starfsmaður á tæknisviði Nova frá stofnun fyrirtækisins þar til í lok janúar 2022, en þá hóf hann störf hjá Men&Mice.

    LinkedIn

Þetta erum við.

 

Eftir að hafa sankað að okkur alls konar reynslu frá nokkrum frábærum fyrirtækjum: Símanum, Mentis, Hugsmiðjunni, Marel, Veitum, Nova o.fl. ákváðu Ragnheiður og Magnús Logi að stofna fyrirtæki til að geta veitt ráðgjöf til þeirra sem höfðu áhuga á að nýta okkar þjónustu.

Við tvö erum tvíeyki. Í lífi og starfi.

En af hverju nafnið Maggar? Maggar er einfaldlega RaggaM aftur á bak. En svo vill til að Ragnheiður hefur líka miklar tengingar við nafnið Magnús þar sem hún er Magnúsdóttir, er gift Magnúsi Loga sínum og á tengdaföður sem heitir Magnús. Maggar virðast vera út um allt í hennar lífi þannig að Maggar hljómuðu bara nokkuð vel.

Hvað segja
viðskiptavinir

 
 
Reviews

Ragnheiður hefur hjálpað okkur að umbylta einu stærsta upplýsingatækniumhverfi landsins hjá Reykjavíkurborg.

Hún vann með okkur stefnu fyrir upplýsingatækniumhverfi borgarinnar og í kjölfarið innleiddi hún með okkur breytingar í samstarfi við starfsfólk í nokkrum deildum.

— Friðþjófur Bergmann,
skrifstofustjóri UTR Reykjavíkurborg

Ragga hélt fyrirlestur um það hvernig mætti auka nýsköpun í fyrirtæki eins og Trackwell á starfsdegi með öllu starfsfólki okkar.

Hún sagði okkur einnig frá þeim tækifærum sem eru til staðar tengt nýsköpun í íslensku samfélagi. Fyrirlesturinn opnaði huga okkar og hentaði vel í að koma okkur í gírinn fyrir vinnuna seinna um daginn.

— Jón Ingi Björnsson, framkvæmdastjóri Trackwell

“Ragnheiður reyndist mér mjög vel þegar ég var að stofna og þróa Hoobla conceptið.

Það var frábært að hugsa upphátt með henni og fá speglun, því hún er mjög fróð um stjórnun og uppbyggingu fyrirtækja. Stuðningur hennar auðveldaði mér skrefin við uppbyggingu á nýju og umbreytandi fyrirtæki.”

— Harpa Magnúsdóttir,
framkvæmdastjóri Hoobla